Aksident i rende; kanë humbur jetën dy shoferë

Në aksidentin e trafikut që ka ndodhur në magjistralen Radovish-Shtip kanë humbur jetën dy shoferë, ndërsa një pasagjere është dërguar në spitalin e Shtipit.

Zëdhënësja e SPB Strumicë, Aleksandra Trajanova informoi se në aksidentin kanë marrë pjesë makinat “Pasat” dhe “Opel”.

“Në vendin e aksidentit kanë ndërruar jetë drejtuesit e të dy automjeteve, ndërsa një pasagjere nga automjeti i tipit “Opel” është transportuar në Qendrën mjekësore Shtip”, deklaroi Trajanova.

Prokurori publik ka inspektuar vendin e aksidentit, ndërsa komunikacioni është ridrejtuar përgjatë rrugës së vjetër.